Video
Read full review
2023-02-16
130 views
想平平哋食碗餃子或者鍋貼，上網留意到有依間舖頭，又喺公司附近，一於決定試吓先。12:30去到都大把位，相信部份人都會覺得環境唔係幾好，所以就唔係好想喺呢度食，但係咁平嘅價錢就已經食到咁飽，小編唔介意頹食喎🤭🤭食完就覺得係物超所值喎🫣。韭菜豬肉水餃 🥟4/5個湯底仲有酸菜同埋椰菜，湯底都幾夠味道，水餃韭菜味唔係好多唔係好重，但係啲豬肉都幾肥美，一啖咬落去都幾飽滿，好滿足😜😜。同事仲覺得冇咁勁嘅韭菜味比較好食，可以一試。鍋貼 🥢4.5/5強調係$19有5隻鍋貼，雖然望落去好似好多粉，白曬曬好似冇乜味，但係原來佢個底都已經煎得好香口，咬落去仲要係外脆內軟，豬肉嘅口感都唔錯😄😄。$20都唔使嘅價錢，食到大大件嘅鍋貼，真係好抵喎。酥炸魚腐 4/5炸得好香口，上菜嗰時熱辣辣，入邊仲係好嫩口既魚腐，都係小食咁食都幾過癮，點嗰個泰式醬，辣辣地咁食可以提升個層次感。😋粢飯 豆漿 🥛3/5都係正正常常嘅粢飯同豆漿冇乜特別。粢飯外邊係冇乜味，跑咗入去嘅餡先至有啲味道。地點:炮台山站過對面馬路向左邊行，經過古早味蛋糕舖頭隔離就見到，身處喺英皇道嘅店舖。環境:綠油油嘅裝修，相對比較傳統同埋舊式，比較似係茶餐廳嘅
韭菜豬肉水餃 🥟4/5
個湯底仲有酸菜同埋椰菜，湯底都幾夠味道，水餃韭菜味唔係好多唔係好重，但係啲豬肉都幾肥美，一啖咬落去都幾飽滿，好滿足😜😜。同事仲覺得冇咁勁嘅韭菜味比較好食，可以一試。
韭菜豬肉水餃
5 views
0 likes
0 comments
鍋貼 🥢4.5/5
強調係$19有5隻鍋貼，雖然望落去好似好多粉，白曬曬好似冇乜味，但係原來佢個底都已經煎得好香口，咬落去仲要係外脆內軟，豬肉嘅口感都唔錯😄😄。$20都唔使嘅價錢，食到大大件嘅鍋貼，真係好抵喎。
鍋貼
14 views
0 likes
0 comments
酥炸魚腐 4/5
炸得好香口，上菜嗰時熱辣辣，入邊仲係好嫩口既魚腐，都係小食咁食都幾過癮，點嗰個泰式醬，辣辣地咁食可以提升個層次感。😋
酥炸魚腐
8 views
0 likes
0 comments
粢飯 豆漿 🥛3/5
都係正正常常嘅粢飯同豆漿冇乜特別。粢飯外邊係冇乜味，跑咗入去嘅餡先至有啲味道。
粢飯
2 views
0 likes
0 comments
地點:
炮台山站過對面馬路向左邊行，經過古早味蛋糕舖頭隔離就見到，身處喺英皇道嘅店舖。
環境:
綠油油嘅裝修，相對比較傳統同埋舊式，比較似係茶餐廳嘅格局，入咗嚟食就要接受呢個環境，唔好期望太多。
價錢:
我哋蝕咗四樣嘢再加一杯豆漿都係$110，除返開兩個人每人都係$55，食咗咁多嘢真係好抵喎。😄😄
服務:
店員落單，就咁聽我哋講，完全唔使抄低，超犀利。店員睇得出係一啲老臣子，佢哋好識得點樣去傳菜，幫客人安排等。
Post
