Video
Read full review
2020-01-24
112 views
年三十早收，諗住同朋友食埋午餐先返歸。一直想試下日本過江龍頑固壽司，但Openrice上面普遍食評都唔太好，不過見佢有午市套餐，百幾二百蚊價錢可接受，加上雖然係1點食飯時間但完全唔駛等位，就比次機會佢！等埋個朋友到先點餐，飲住杯綠茶先，係少數好飲既，侍應斟得夠密，我可以係咁飲😂 朋友一黎到我地就好快手點左午餐A同B各一，因為聽講等得都幾耐下，最後唔駛三個字嚟齊，送餐嘅經理同侍應都有簡單介紹每件壽司嘅名同特色，對我呢啲唔識分咩魚打咩魚既客人黎講真係好貼心，起碼知道食左咩落肚👍🏼午餐跟茶碗蒸、小鉢同味噌湯：茶碗蒸 - 粒雞肉好嫩滑，湯汁香甜，如果蛋味可以濃啲就更好小鉢 - 正常味噌湯 - 味道好似日本個啲，對本地人口味來講可能會偏少少咸我食嘅午餐B有十款壽司:玉子 - 賣相好靚似蛋糕，味道較淡細卷 - 有好香紫蘇味，但紫菜唔夠脆帆立貝壽司 - 夠大件，味道唔錯松葉蟹壽司 - 食得出好新鮮有蟹味三文魚子軍艦 - 難得地好食，完全冇腥味，但紫菜都係唔夠脆池魚壽司 - 味道正常甜蝦海膽軍艦 - 海膽新鮮無明凡味，但紫菜都係唔夠脆火炙赤目壽司 - 味道正常吞拿魚中拖羅壽司 - 口感同油份OK，但食
等埋個朋友到先點餐，飲住杯綠茶先，係少數好飲既，侍應斟得夠密，我可以係咁飲😂
朋友一黎到我地就好快手點左午餐A同B各一，因為聽講等得都幾耐下，最後唔駛三個字嚟齊，送餐嘅經理同侍應都有簡單介紹每件壽司嘅名同特色，對我呢啲唔識分咩魚打咩魚既客人黎講真係好貼心，起碼知道食左咩落肚👍🏼
午餐跟茶碗蒸、小鉢同味噌湯：
茶碗蒸 - 粒雞肉好嫩滑，湯汁香甜，如果蛋味可以濃啲就更好
小鉢 - 正常
味噌湯 - 味道好似日本個啲，對本地人口味來講可能會偏少少咸
我食嘅午餐B有十款壽司:
玉子 - 賣相好靚似蛋糕，味道較淡
細卷 - 有好香紫蘇味，但紫菜唔夠脆
帆立貝壽司 - 夠大件，味道唔錯
松葉蟹壽司 - 食得出好新鮮有蟹味
三文魚子軍艦 - 難得地好食，完全冇腥味，但紫菜都係唔夠脆
池魚壽司 - 味道正常
甜蝦海膽軍艦 - 海膽新鮮無明凡味，但紫菜都係唔夠脆
火炙赤目壽司 - 味道正常
吞拿魚中拖羅壽司 - 口感同油份OK，但食落有少少筋
鰻魚壽司 - 極推介，口感豐富味道一流，回味無窮！
朋友食嘅午餐A有十二款壽司，
多個兩款分別係：
金目鯛 - 味道唔錯
吞拿魚大拖羅壽司 - 油份夠，同樣有少少筋，應該係有筋大魚腩位，不過同大部份人一樣我都係鍾意無筋大拖羅多啲
總括來講食物質素係唔錯，雖然紫菜同吞拿魚有待改善，但其他壽司都幾好食，以呢個價錢來講都算抵食，最正最正係鰻魚壽司，因為好好食所以要提多次！
Post
