Video
Read full review
2016-02-16
4331 views
大年初一, 晨早買左團購book定位, 因為老婆鐘意食蝦, 所以選擇呢個<龍蝦.鵝肝>自助餐因為團購唔係好貴所以上黎查過, 發現譭譽參半, 其實都擔心左幾日我地果日六點半鐘去到, 唔使等,雖然食客多, 但地方都夠, 我同老婆可以坐張四人台去到發現無生蠔有少少失望, 但係見到好大盤龍蝦同麵包蟹又開心返麵包蟹: 好大隻, 好多膏, 食一個蟹殼幾乎等如半碗飯, 飽晒龍蝦: 中波士頓, 同五星酒店自助餐果d差不多, 有膏, 新鮮雖然有三文魚, 希靈魚, 鱲魚等等, 但拎既人唔多, 相信大部份都食樓上兩種比著你地要食三文魚定麵包蟹?明蝦: ok爽架其實, 不過又係唔敢食多翡翠螺: 唔掂檔, 雪到幾乎拉唔出黎, 食左一隻放棄蟹腳: 食左一隻, 都係ok啦鵝肝: 呢度既鵝肝要排隊, 由廚師即場煎, 煎熟放上一塊cooked bread, 食左幾舊好香口, 雖然油左d但肝味好濃郁, 完全無雪味熱食既種類勁多, 根本上係食唔晒既勢湯有中湯(已經唔記得乜鬼湯), 西湯係磨菇忌廉, 算唔錯, 飲左半碗羊仔脾, 牛仔扒, 芝士焗龍蝦, 避風塘炒龍蝦鉗, 籠仔蒸麵包蟹, 蒸扇貝, 炒海蔘粒, 蛋
因為團購唔係好貴所以上黎查過, 發現譭譽參半, 其實都擔心左幾日
我地果日六點半鐘去到, 唔使等,
雖然食客多, 但地方都夠, 我同老婆可以坐張四人台
去到發現無生蠔有少少失望, 但係見到好大盤龍蝦同麵包蟹又開心返
麵包蟹: 好大隻, 好多膏, 食一個蟹殼幾乎等如半碗飯, 飽晒
龍蝦: 中波士頓, 同五星酒店自助餐果d差不多, 有膏, 新鮮
雖然有三文魚, 希靈魚, 鱲魚等等, 但拎既人唔多, 相信大部份都食樓上兩種
比著你地要食三文魚定麵包蟹?
明蝦: ok爽架其實, 不過又係唔敢食多
翡翠螺: 唔掂檔, 雪到幾乎拉唔出黎, 食左一隻放棄
蟹腳: 食左一隻, 都係ok啦
鵝肝: 呢度既鵝肝要排隊, 由廚師即場煎, 煎熟放上一塊cooked bread, 食左幾舊好香口, 雖然油左d但肝味好濃郁, 完全無雪味
熱食既種類勁多, 根本上係食唔晒既勢
湯有中湯(已經唔記得乜鬼湯), 西湯係磨菇忌廉, 算唔錯, 飲左半碗
羊仔脾, 牛仔扒, 芝士焗龍蝦, 避風塘炒龍蝦鉗, 籠仔蒸麵包蟹, 蒸扇貝, 炒海蔘粒, 蛋黃炸蝦, 豆蓉蒸魚塊
呢幾樣算係主流, 除左炒蝦鉗唔入味, 蒸魚塊無味道, 牛仔扒靭少少, 其他都合格以上
另外仲有一個好搶眼, 好大鍋既海鮮炒飯, 我試左少少, 有蝦, 蟹, 魚肉, 炒到金黃色
如果唔係食緊自助餐, 呢個飯其實炒得幾好, 可惜分唔出戰鬥力落去飯度
仲有佢地d咖哩羊腩, 咖哩雞都唔差, 都夠椰香, 但根本食唔到咁多野
仲有滷水豬手, 見到無乜人食, 但係其實好好味囉, 完全有以前食開上海菜館既水準, 又薄皮又嫩滑
食到呢度已經飽到嘔咁滯, 仲差即切肉眼扒都已經食唔得落去, 食到咁都算第一次
同老婆坐響度玩左半個鐘手機再戰甜品
甜品有馬卡龍, 杯裝慕司, 綠茶啫喱, 紅桑子奶凍etc
比較搶眼既係班戟千層蛋糕, 我食左少少, 幾好味, 但好飽
趁老婆去廁所, 偷偷同甜品個女廚妹妹嗲左幾句
不得不提, 佢地d雪糕好特別, 係袖珍裝dreyers, 有朱古力, 綠茶, 藍莓, 芒果, 仲有好似係雲呢拿
一個個放響雪櫃隨你拎, 呢樣又係第一次
可惜初一果晚天氣凍, 我淨係食左一個朱古力就算
不過要鬧下, 明明團購有印火焰雪糕, 但等左成晚都無見到, 係咪呃我!
Other Info. :
唔係好明點解有四十幾個負評
無錯佢地質素未到五星酒店級, 但有惠優, 食材唔差,
團購價$288/位+小費around $80 (唔包野飲)
仲要大年初一可以食到咁都唔滿足咩?
(The above review is the personal opinion of a user which does not represent OpenRice's point of view.)
Post
