韓一館 (Closed)

第二日，天氣潮濕又大風，但總算比落雨好，一早酒店門口睇舞獅，跟住走去中央公園玩放電，之後去南廣場行咗一陣，大小姐就話肚仔餓，我地又開始搵野食。由於初一晚餐已經食咗西餐，所以今日想試下呢間韓國餐。一坐低，個女就話想食麵，咁我地就叫咗個海鮮湯麵同埋一杯士多啤梨乳酪，而我就叫咗個石頭鍋飯，再加支韓國啤。肚仔餓特別開胃，個海鮮湯麵好多料，湯底都唔錯，石頭鍋飯夠晒熱，仲可以食到飯焦添。埋單三百左右，記得問佢攞番張單過隨離個露天 counter，用八達通換免費船飛，一張單夠百二蚊可以換一張，而我張單三百左右，就可以換到兩張，早知食多幾十蚊野換夠三張啦。不過今次入愉照灣避年，總數驚喜多多又寫意，值得再去。