Hidden Table (Closed)

見到關注組不時評論唔同口味嘅燒賣， 原來响大學附近有間小食店， 賣多款特色小食🍡， 仲有多款 fusion 燒賣， 有蒸有炸，而其中嘅奶油麻辣魚肉燒賣係年度燒賣🥉。🍭奶油麻辣魚肉燒賣 (蒸）不愧為名物🥉， 純純兔嘅外型內藏麻辣勁道， 但奶油味又温柔咗辣味，堅好食又彈牙。讚👍！🍭日式紫菜魚肉燒賣 （炸）係和風🇯🇵味嘅燒賣， 新口味新嚐試😍.🍭日式大阪🎌魚肉燒賣（炸）大阪燒嘅遠房親戚， 醬汁神還原， 味道惹味有口感。🍭土匪爆谷雞🧔爆谷大小嘅鷄塊， 似零食咁，停唔到口。🍭泰式墨魚餅🦑泰醬酸甜味，同墨魚餅係絶配。