Norayo The Tteokbokki (Closed)

荃灣果然係有好多抵野食，呢間有得食韓燒，但今次黎食既係韓式炒年糕！仲要係放題任食！入去果時有個店員拎住枝紅色燈帶路，幾搞笑就咁睇都幾闊幾好坐係由門口開始行到坐低，就有店員幫你準備好一盤野食，擺得幾靚。然後就加湯底同爐邊蛋然後再加大量芝士，一路煮一路撈住食整個芝士炒蛋都仲得除左佢準備好既材料，仲可以自己出去夾配料追加，單單係年糕已經有相當多款式：一般年糕、蕃薯年糕、芝士年糕、模樣年糕（唔同樣既年糕）…其他配料有生蛋、腸仔、各式各樣既炸物、各式各樣既蔬菜、芝士丸、星星魚片、蟹柳…另外一邊有唔同款式既麵可以揀，唔係平時咁樣一盤盤麵，係一包包未拆可以自己揀想食既麵，仲有辛辣麵揀添！行出去除左配料吸引，更加吸引既就一定係呢個一碗碗芝士，自己拎，想拎幾多就幾多，就當然唔好太過份啦。芝士隔離有紫菜同粟米，上面有一球球飯，一陣再講要黎做咩！鍋湯底可以係出面醬料區度加辣／加味，整番個岩自己口味既湯底，食完爐邊蛋，可以擺芝士上去等佢熱熔再拎年糕去翹芝士食。食完個炒年糕就可以淨番少少湯底要黎炒飯！炒飯既做法就係拎哂頭先提及既芝士、紫菜、粟米一球球既飯，如果想有d配料可以拎埋午餐肉，今次兩個人黎食拎左兩球飯，