Video
Read full review
2023-03-05
190 views
疫情過去，終於可以再次約很久沒見嘅中學同學出嚟食飯相聚，以前大家每年都會一聚，但疫下已經闊別三年，故今次特意揀一間甚受年輕人（特別是中學生和年青人）歡迎嘅廉價自助日韓料理燒烤x火煱餐廳 -「校長燒肉」。大家看著隔離枱嘅學生哥，青春突然返晒嚟，好懷緬以往嘅青蔥歲月，原來眨吓眼大家相識已經30年了！呢間日韓式自助燒肉店，烤肉款式包羅萬有，各款烤肉都醃製得相當入味，肉質鮮嫩，厚薄適中，推介包括：黑椒一口牛、土匪雞中翼、麻辣雞扒、香辣豬頸肉、醬燒雞腎片、韓式豬肋骨、香草魚柳同魷魚鬚！值得一讚嘅係燒烤盤上，會附上一張牛油紙，讓烤肉時唔會咁易烤燶同黐底，而且店員會主動不時更換，非常細心！除咗烤肉外，餐廳仲會提供火鍋料理，更有四款湯底任君選擇，包括日式豬骨湯、四川麻辣湯、壽喜燒湯同埋清湯，自由配搭。火鍋配料除咗必備嘅肥牛外，更有多款肉丸、香腸，蔬菜等選擇，我最喜愛係佢嘅帆立貝粒、麻吉燒同日式小甜薯！因為我哋食嘅係黃金時段，$248/2小時，故仲可以任食多款刺身，包括有虎蝦、響螺片、三文魚、八爪魚、希靈魚、玉子、仿蟹柳條、仿鮑片、馬刀貝，而且各款刺身都非常新甜、絕不會將貨就價，三文魚更是厚切，齋食刺身
呢間日韓式自助燒肉店，烤肉款式包羅萬有，各款烤肉都醃製得相當入味，肉質鮮嫩，厚薄適中，推介包括：黑椒一口牛、土匪雞中翼、麻辣雞扒、香辣豬頸肉、醬燒雞腎片、韓式豬肋骨、香草魚柳同魷魚鬚！值得一讚嘅係燒烤盤上，會附上一張牛油紙，讓烤肉時唔會咁易烤燶同黐底，而且店員會主動不時更換，非常細心！
各式火煱配料
28 views
0 likes
0 comments
各式烤肉
26 views
0 likes
0 comments
除咗烤肉外，餐廳仲會提供火鍋料理，更有四款湯底任君選擇，包括日式豬骨湯、四川麻辣湯、壽喜燒湯同埋清湯，自由配搭。火鍋配料除咗必備嘅肥牛外，更有多款肉丸、香腸，蔬菜等選擇，我最喜愛係佢嘅帆立貝粒、麻吉燒同日式小甜薯！
因為我哋食嘅係黃金時段，$248/2小時，故仲可以任食多款刺身，包括有虎蝦、響螺片、三文魚、八爪魚、希靈魚、玉子、仿蟹柳條、仿鮑片、馬刀貝，而且各款刺身都非常新甜、絕不會將貨就價，三文魚更是厚切，齋食刺身已經抵晒，非常超值！
日式刺身
51 views
0 likes
0 comments
各款壽司
36 views
0 likes
0 comments
此外，餐廳仲有多款熱食同點心供應，重點推介包括各式燒味、蒸魚、茄汁大蝦、辣酒煮花螺、蝦餃同糯米雞！
各款熱食
35 views
0 likes
0 comments
自助飲品區更提供各款自助式的美顏養生花茶，熱樽裝維他奶、以至三十多款紙包同罐裝飲品，任君選擇！甜品方面，除咗有好多款牌子嘅雪糕同雪條外，講得出嘅甜品如啫喱、紅豆沙、涼粉、布甸、生果、蛋糕等都可以喺呢度食到！
各款養生花茶
31 views
0 likes
0 comments
各式飲品
22 views
0 likes
0 comments
各式甜品
25 views
0 likes
0 comments
各款甜品
84 views
0 likes
0 comments
兩小時嘅用餐真喺好快過，整體餐廳嘅環境非常舒適，座位寬敞，因為餐廳深受年青客歡迎，亦讓我感受到年輕人之間的友情和溫暖。如果你想同我哋一樣回到校園時光，享受美食和歡樂時刻，呢度絕對喺一個好地方。此外，餐廳嘅服務員也非常熱情和友好，為食客提供周到的服務。最後，值得一讚嘅係佢嘅洗手間非常乾淨，乾爽衛生，而且仲用上Q A C消毒殺菌劑清潔，有效對抗冠狀病毒，咁大家就食得開心又放心啦！
Post
