饞。台式食堂 (廈門街)

Open Now

Now Closed

呢間食台灣菜既餐廳，由90後台灣女生主理，而店員們亦都好年輕，俾到我一種好青春活力既感覺。餐廳內以淺色木系風格為主，環境明亮清新。部分食材由店主親自挑選，出產地來自台灣原裝。藥膳排骨麵 $76湯底好香濃藥材味，甘甜而不苦。排骨厚實肉嫩，可以沾附送既調味醬食。麵條係幼身，好淋，麵身掛上藥材湯特別好味。椒鹽香酥雞排手工滷肉飯 $62＋12即叫即炸，新鮮熱辣，香酥雞薄身，脆皮面上撒上椒鹽，配埋滷肉飯一齊食，幾香口。炸物拼盤 $38有三款炸物四季豆--鹹鹹地好好味～食下一條又一條～杏包菇--咬入去係充滿汁架！！！花枝丸--彈牙，入面真材實料！凍蒟蒻球白桃烏龍 $12（跟餐）濃濃烏龍茶味，有啲粒粒蒟蒻咬下幾好。蜂蜜金桔檸檬 $14（跟餐）甜甜既金桔味，飲完精神爽利。