唐記包點 (堅拿道西)

Open Now

Now Closed

係銅鑼灣行完街要買早餐比屋企人食，又驚番到屋企附近買會太遲鋪頭拉閘，所以就決定係銅鑼灣買左先。點心今次買左燒賣（$16）、鵪鶉蛋燒賣（$16）、鮮竹卷（$16）。蒸包因為想方便保存到聽日食，就要凍包，哥哥好好即刻係工場入面個雪櫃夾比我。分別要左紅豆包($6.5)、黑麻蓉包($6.5)、馬拉糕($6.5)、糯米卷($6.5)、菜肉包（$6.5)、麥皮饅頭($4.5)。呢度蒸包係$18三個架，所以啲買滿三個包就平左$1.5。煎包有$15三個梗係買埋。揀左香煎韭菜包、香煎牛肉包、香煎蔬菜香菇包。宜家唐記真係年輕化，幾驚喜呢度負責管理鋪頭既都係好後生既哥哥仔，好有活力。