Cow Bean (TKO Gateway) (Closed)

之前黎厚德商場（真係改唔到口叫TKO gateway...唔順口又難讀）新開既食街食單⻣雞翼，見到樓上開左間新餐廳，望落裝修好年輕化，好似坐得幾舒服，原來係Pokka Cafe旗下，決定搵次黎試下～餐廳名叫Cow Bean~估係主打牛同豆類既菜式，呢日有胃口，決定鋸扒，叫左個紐西蘭肉眼扒五成熟，上菜先知原來已經切件了，冇得鋸下鋸下硬係爭d咁...不過其實食落係方便既，牛油味濃，肉質軟淋，生熟程度適中，薯條夠粗身又夠脆，沙律菜都幾新鮮～西班牙雪糕咖啡，軟雪糕機壞左...只有硬雪糕...所以應該溶得慢啲，雲呢拿雪糕慢慢溶化中和咖啡苦味，食一啖雪糕飲一啖咖啡，味道好夾！朋友食左三色牛丼飯（忘記影相了），係餐廳門口掛左poster做緊宣傳，我試食左少少，個汁類似燒汁好惹味，牛肉夠淋，朋友都話好好食！我形容呢個為矜貴版吉野家～見佢甜品Menu朱古力系列好吸引，配料勁多勁豐富，而且價錢仲要唔貴，下次可以黎試埋個甜品～