Video
Read full review
2023-09-18
73 views
嚟呢間餐廳之前完全冇諗過佢個vibe咁正，一入嚟已經覺得啲音樂同燈光好chill，音量足夠，但又唔會阻礙到大家一班人開心傾偈，今晚主要係播一啲Hip Hop style嘅歌，成個感覺年輕而且有taste。本來以為呢度係食啲好普通嘅Cafe食物，點知其實係一間好fusion嘅居酒屋，佢哋自創嘅菜式好特別㗎，對比一般傳統居酒屋，更加貼近個市場，我試咗一個有椰菜花飯做底嘅刺身丼，感覺好light但又幾夾喎，啱晒啲Keto人士。另外酒盗芝士係配多士同埋蕃茄莎莎，呢個做appetizer真係可以補償返我全日返工嘅辛勞。佢個happy hour 真係好抵， $88有酒精飲品再加一個小食，仲要可以add on，即時話你比多48蚊，可嗌多一杯或者一個小食。另外我試咗佢個味噌雞胸肉意大利粉，個雞肉用慢煮方法去做，好嫩，無落咗好多調味反而有雞肉嘅鮮味，個醬汁都恰到好處，唔會太濃，又帶到本菇嘅鮮味。仲有油揚釀芝士，個配搭都好新鮮，送酒真係一流。可能因為食椰菜花唔係好夠飽，最後加多一個燒飯團，兩隻味都好好食，落咗飯素，基本上唔需要配餸菜，就咁食都好好味，喺屋企好難做到呢個水準。坦白講呢幾年食得太多簡單Cafe
本來以為呢度係食啲好普通嘅Cafe食物，點知其實係一間好fusion嘅居酒屋，佢哋自創嘅菜式好特別㗎，對比一般傳統居酒屋，更加貼近個市場，我試咗一個有椰菜花飯做底嘅刺身丼，感覺好light但又幾夾喎，啱晒啲Keto人士。另外酒盗芝士係配多士同埋蕃茄莎莎，呢個做appetizer真係可以補償返我全日返工嘅辛勞。
佢個happy hour 真係好抵， $88有酒精飲品再加一個小食，仲要可以add on，即時話你比多48蚊，可嗌多一杯或者一個小食。
另外我試咗佢個味噌雞胸肉意大利粉，個雞肉用慢煮方法去做，好嫩，無落咗好多調味反而有雞肉嘅鮮味，個醬汁都恰到好處，唔會太濃，又帶到本菇嘅鮮味。仲有油揚釀芝士，個配搭都好新鮮，送酒真係一流。
可能因為食椰菜花唔係好夠飽，最後加多一個燒飯團，兩隻味都好好食，落咗飯素，基本上唔需要配餸菜，就咁食都好好味，喺屋企好難做到呢個水準。
坦白講呢幾年食得太多簡單Cafe食物，今次嚟呢度真係覺得環境同食物水準都係冇乜挑剔，而且性價比高，兩口子又飲酒又食得飽都係講緊五百幾蚊，西九龍呢邊呢間真係好選擇。
Post
