Video
Read full review
2022-12-14
633 views
屋企樓下開咗一間韓式小店-93親古食堂〈韓語〔國語發音〕”親古”意思係朋友〉！阿女見到即刻要試吓，發現foodpanda外賣自取有折扣，即刻叫咗一堆，一家四口當晚餐食。係一間正宗”小”店，門外面有吧枱高櫈，以供堂食。家庭式經營～店面太細，只有兩個座位⋯⋯阿女要飲海帶湯，我覺得味道幾好嘅，而且好大碗，抵食！但阿女話稍咸，可能我味覺退化咗？有幾隻青口，海帶量好多呢～本人極推炸醬麵，係正宗嘅韓國煮法，絕對唔係包裝炸醬麵嘅味道，味道帶一絲絲甜，但係唔會過咸，有薯仔粒，洋蔥，豬肉等配料，撈麵一流。韓式紫菜包飯係差唔多每一間韓式食堂必備嘅食物，呢度嘅紫菜包飯係即叫即整㗎，非常新鮮，不過如果繁忙時段，就可能需要等比較耐嘅時間。*明太子•蟹肉飯卷**芝士•烤牛肉飯卷*另一推介係辣炒年糕，雖然只係韓國街邊小食，但係味道同正宗韓國食到嘅非常相似。亦可以追加芝士，拉麵，炸物等配菜。非常建議加芝士，而且必須要趁熱食，用芝士包裹年糕一齊食非常香口，調味適中唔會過辣。最後當然唔少得韓式炸雞，為方便食所以我揀咗無骨炸雞。隨咗蔥炸雞有一堆蔥放面，每款炸雞配唔同嘅醬汁，應該係為咗唔好令炸雞脆皮變軟，所有醬汁都冇直接淋上
係一間正宗”小”店，門外面有吧枱高櫈，以供堂食。
家庭式經營～
店面太細，只有兩個座位⋯⋯
阿女要飲海帶湯，我覺得味道幾好嘅，而且好大碗，抵食！但阿女話稍咸，可能我味覺退化咗？有幾隻青口，海帶量好多呢～
海帶湯
$42
88 views
0 likes
0 comments
本人極推炸醬麵，係正宗嘅韓國煮法，絕對唔係包裝炸醬麵嘅味道，味道帶一絲絲甜，但係唔會過咸，有薯仔粒，洋蔥，豬肉等配料，撈麵一流。
炸醬麵
$48
122 views
0 likes
0 comments
韓式紫菜包飯係差唔多每一間韓式食堂必備嘅食物，呢度嘅紫菜包飯係即叫即整㗎，非常新鮮，不過如果繁忙時段，就可能需要等比較耐嘅時間。
*明太子•蟹肉飯卷*
明太子•蟹肉飯卷
$48
100 views
0 likes
0 comments
*芝士•烤牛肉飯卷*
芝士•烤牛肉飯卷
$48
115 views
0 likes
0 comments
另一推介係辣炒年糕，雖然只係韓國街邊小食，但係味道同正宗韓國食到嘅非常相似。亦可以追加芝士，拉麵，炸物等配菜。非常建議加芝士，而且必須要趁熱食，用芝士包裹年糕一齊食非常香口，調味適中唔會過辣。
辣炒年糕
$38
139 views
2 likes
0 comments
最後當然唔少得韓式炸雞，為方便食所以我揀咗無骨炸雞。隨咗蔥炸雞有一堆蔥放面，每款炸雞配唔同嘅醬汁，應該係為咗唔好令炸雞脆皮變軟，所有醬汁都冇直接淋上雞肉上。雞肉炸得啱啱好，非常Juicy。到今日為止我哋一家四口已經食過：蜜糖，芝士，甜辣，火辣，蔥炸雞。每款都非常好味，首推蜜糖或者甜辣～
各式無骨炸雞(6件)
$60
128 views
0 likes
0 comments
等候期間，同店內一家幾口傾偈，先知道小哥哥主廚曾經去韓國working holiday咗1年嘅時間。喺韓國食店打工學廚，返到香港亦喺食肆有幾年工作經驗，之後決定創業，開咗呢一間小食堂，做出好多韓國正宗口味嘅食物。大家一定要去試吓，雖然店面太細，只有兩個座位，同店外邊嘅吧枱，但係無阻食物嘅美味，同埋難得喺香港食到咁正宗嘅韓味。
*後話：原來小店個名”93”係小哥哥出生嘅年份喎～今日寫食評前，係第五次食佢間舖頭嘅嘢食啦。加油，小哥哥！
Post
