天松屋 (Closed)

今日興起行落葵芳食中午飯, 間餐廳鄰近學校區, 一到中午時間有大量附近學校嘅學生幫襯, 頓時成為學生飯堂。今次我叫咗個關西吉列咖哩豬扒飯, 套餐連埋味噌湯, 合共52元, 唔使收加一服務費。碗飯賣相相當吸引, 店方係以一個特大嘅滿盛載住啲飯同吉列豬扒,咖哩汁佔咗成碗飯八成位置, 飯嘅份量相當多, 吉列豬扒都有成七塊咁多。 而味道方面, 咖哩汁 唔係好辣, 塊吉列豬扒同坊間食肆嘅有好大分別, 呢間鋪啲豬扒冇乜油溢味, 豬扒上枱仲係好爽脆可口, 應該係即叫即炸, 新鮮即做!味噌湯味道尚算可以, 材料有豆腐、 蔥花等。總括嚟講呢間鋪啲物價都算係價廉物美唔怪之得有咁多學生哥嚟幫襯啦！