幸拉麵 (Closed)

今天星期五晚下著毛雨，剛到這區活動，活動前梗係搵下食先自己搵食，梗係搵平時老公唔食既拉麵，見到食評呢間幸拉麵好高分，二話不說來了星期五晚七點以為人會多，點知黎到我係第一個客人喔店員好有禮咁招呼我，仲開埋音樂添。店內裝潢很舒服，木色系為主，又有自閉位，最岩偽文青既我由於做足功課，我拎起餐單好快就劃左黑豚蒜味拉麵(88蚊)，再加木耳(10蚊)。一上麵，超~級~香~呀！大愛，飲了幾口湯，唔覺口渴。麵質適中，木耳有醋醃過，同出面其他拉麵店既味道同口感有點唔同好快便食左大半碗，見到係呢間播日本歌，裝潢勁日本既拉麵店，用左個有龍既中囍字碗播無違和感，又夾得幾好播呢間一定係我既re eat list上面佔一席位~希望下次黎有海老麵食喇