Video
Read full review
2022-09-03
90 views
今日去完太古城行街血拼，入左apita附近開咗間新嘅串燒屋，一入到去間舖頭裝修就好似返到以前舊日本時代咁，雖然而家仲未可以去日本，但成晚就好似喺京都大自然一樣。侍應有介紹我哋舖頭係啱啱新開，亦都係海鮮為主嘅串燒，首先我哋嗌咗個雞泡魚乾做小食，雞泡魚乾唔似其他舖頭燒到咁乾，竟然係濕濕地，非常有質感，好特別，我鍾意。另外頭盤嗌咗個刺身拼盤，三文魚非常之新鮮另外亦都有吞拿魚同埋海蝦都非常之鮮甜。跟住點餐嘅時候，侍應都有推介我哋食免治雞軟骨串燒，分別一串就鹽燒，另一串就芝士面，咬落去好有口感，有芝士嘅比較膩，不過我鍾意呢款多啲。太太就食咗厚燒牛舌，佢都話好香牛味，亦都非常香口，一口啖咬落去非常幸福。主菜嚟啦，我哋嗌咗壽喜燒鍋，壽喜燒汁先係主角呀嘛，壽喜燒汁包住d牛肉，另外有埋京蔥包住食，一啖咬落去，每一個食物都發揮到佢個味道同作用。另外嗌咗個燒雞，呢款燒雞相當入味，而且全隻雞雞皮都係脆，肉質亦都好滑，食完半隻燒雞其實都已經飽飽地。之後再嚟多個燒豆腐，食完牛肉之後，真係要食返啲素中和一下。，豆腐面上邊有啲香蔥同木魚碎，原來佢哋先係主角。我哋真係眼闊肚窄，嗌多個燒魷魚，燒魷魚燒得非常之香，侍應一拎
跟住點餐嘅時候，侍應都有推介我哋食免治雞軟骨串燒，分別一串就鹽燒，另一串就芝士面，咬落去好有口感，有芝士嘅比較膩，不過我鍾意呢款多啲。
太太就食咗厚燒牛舌，佢都話好香牛味，亦都非常香口，一口啖咬落去非常幸福。
主菜嚟啦，我哋嗌咗壽喜燒鍋，壽喜燒汁先係主角呀嘛，壽喜燒汁包住d牛肉，另外有埋京蔥包住食，一啖咬落去，每一個食物都發揮到佢個味道同作用。
另外嗌咗個燒雞，呢款燒雞相當入味，而且全隻雞雞皮都係脆，肉質亦都好滑，食完半隻燒雞其實都已經飽飽地。
之後再嚟多個燒豆腐，食完牛肉之後，真係要食返啲素中和一下。，豆腐面上邊有啲香蔥同木魚碎，原來佢哋先係主角。
我哋真係眼闊肚窄，嗌多個燒魷魚，燒魷魚燒得非常之香，侍應一拎出嚟嘅時候，基本上係全間餐廳都聞到燒魷魚嘅香味，咬落去亦都肉質好有口感，。最尾老婆亦都要嗌多個燒菠蘿同埋燒粟米作結。酸酸嘅菠蘿喺熱力襯托之下，將個甜味繼續昇華，而燒粟米呢就真係好似粟一宵咁橋，非常之正，係一啲大型商場來講，有串燒店，啱晒一間喺太古城收工，或者血拼完之後一家大細或者同老友傾吓計嘅好地方。
Post
