Video
Read full review
2012-08-13
47 views
本來老公訂咗7點枱, 但同老公喺大埔游完水, 搭車出到佐敦都未夠6點半, 所以提早去食, 因為早所以未滿座, 如果夜啲多人都幾迫架!我哋好開心咁剔咗好多o野, 侍應姐姐問我哋要咩辣, 唔知咩環境, 都係叫住中辣先, 跟手叫埋支青島, 食串燒點可以少咗啤酒呢個好朋友呀!首先係涼伴青瓜上場, 呢樣係老公至愛, 未食已經聞到好香麻油蒜頭味, 見佢咁多辣油, 仲以為好辣, 但一食落口又唔覺得辣喎, 凍凍哋酸酸哋, 好開胃, 不過老公唔鍾意食酸o既青瓜, 所以始終最愛麻辣王o既青瓜!跟住係燒韮菜, 之前去大尾督巴蜀自己燒過嚟食, 已經一試愛上, 今次呢度燒得專業好多, 冇燒乾, 而且韮菜又嫩, 辣粉又香, 真係越食越想食呀!再嚟就係田螺, 老公超愛呢個, 因為個汁香濃又夠辣, 田螺又入味, 只係略嫌田螺唔夠肥, 但都有95分, 正!燒尖椒微辣, 一樣燒得啱啱好, 唔會乾, 仲好juicy, 正!跟住就係幾款串燒, 我最愛羊肉, 羶香加埋香料簡直係一流, 而且又juicy, 真係遠遠好食過大陸嗰啲新彊羊肉串架! 雞腎同黃喉都係燒得啱啱好, 不過我覺得黃喉唔多夠味, 如果多少少鹽會好啲, 魷魚係老公
我哋好開心咁剔咗好多o野, 侍應姐姐問我哋要咩辣, 唔知咩環境, 都係叫住中辣先, 跟手叫埋支青島, 食串燒點可以少咗啤酒呢個好朋友呀!
首先係涼伴青瓜上場, 呢樣係老公至愛, 未食已經聞到好香麻油蒜頭味, 見佢咁多辣油, 仲以為好辣, 但一食落口又唔覺得辣喎, 凍凍哋酸酸哋, 好開胃, 不過老公唔鍾意食酸o既青瓜, 所以始終最愛麻辣王o既青瓜!
跟住係燒韮菜, 之前去大尾督巴蜀自己燒過嚟食, 已經一試愛上, 今次呢度燒得專業好多, 冇燒乾, 而且韮菜又嫩, 辣粉又香, 真係越食越想食呀!
再嚟就係田螺, 老公超愛呢個, 因為個汁香濃又夠辣, 田螺又入味, 只係略嫌田螺唔夠肥, 但都有95分, 正!
燒尖椒微辣, 一樣燒得啱啱好, 唔會乾, 仲好juicy, 正!
跟住就係幾款串燒, 我最愛羊肉, 羶香加埋香料簡直係一流, 而且又juicy, 真係遠遠好食過大陸嗰啲新彊羊肉串架! 雞腎同黃喉都係燒得啱啱好, 不過我覺得黃喉唔多夠味, 如果多少少鹽會好啲, 魷魚係老公最愛, 所以我冇試, 但佢都話好好食.
到燒露筍啦! 同燒韮菜一樣, 夠嫩又唔乾, 正!
最後就係秋刀魚, 佢同我平時去日本餐廳食o既差不多, 因為秋刀來貨都係一樣, 只係呢度用咗香料去燒, 肉質結實外皮香脆, 加檸檬汁一流, 不過如果我下次嚟未必會再叫, 因為唔太特別.全晩最可惜係漏咗花甲王, 不過全晚可以同老公嘆住啤酒,食咗咁多樣好味o既o野, 我都已經覺得好幸福啦! 多謝老公為我安排一餐幸福溫馨串串燒呀!
Other Info. :
第一支啤酒嚟到時唔係好凍, 第二支嚟o既時候係暖架! 我同侍應哥哥講, 佢都即刻換番支凍o既俾我, 但我連累新做o既侍應姐姐俾鬥, 我真係有啲唔好意思囉!
(The above review is the personal opinion of a user which does not represent OpenRice's point of view.)
Post
