幸福堂 (Closed)

呢間係台灣好出名嘅珍珠奶茶店，香港開店已經開咗一段時間，終於今日有機會可以試下。其實呢間舖位於就近油麻地站，行十分鐘到都已經到，好方便。今日就特登同朋友過嚟試， 朋友叫咗個黑糖珍珠鮮奶，佢嘅鮮奶有香又滑，珍珠亦都係自家製嘅， 店舖有一個好大嘅窗口，可以望到店員自家製珍珠嘅過程，成間店舖好乾淨，又可以睇到製作過程，飲落好安心。 黑糖珍珠鮮奶面上有一啲黑糖喺上面，而且用火槍燒過所以飲落有一種脆脆嘅感覺，配埋鮮奶甜度剛剛好。另一杯叫咗水母勇闖大海洋，聽個名感覺好特別，其實係柚子梳打配士多啤梨啫喱，飲落好清新，而且好多氣，外表都好特別，配埋士多啤梨啫喱，感覺好fresh。