北海道爐端燒 (Closed)

同好多香港人一樣，日本一直係我同女朋友最喜愛的旅遊的國家，而我地對北海道都有一種情意結，可能這就是雪國的魅力！最近發現尖沙咀有間北海道爐端，就趁著拍拖日子同女朋友去試下啦！不得不提的是餐廳有兩款座位，一款是一般餐廳座位，另一款就是日式榻榻米坐位，相當有日式風味！基本上好多料理都好出色，但有幾款不得不向大家推介。羊架：聽人講羊架烹調難在溫度的控制，但呢度既羊架的生熟控制得很好，不會太熟過韌，亦不會太生血淋淋，而且味道方面我覺得醃得剛剛好，值得一試！牛仔骨：同羊架一樣，醃得剛剛好，好入味，加上燒後更香，牛仔骨的肉很嫩，我比較喜歡將骨汁吮吸，再將骨肉分離，最後先慢慢品嚐牛肉！蟹肉味噌燒：如果你同我一樣是蟹膏控既話就一定唔可以錯過，蟹殻上加有大量濃厚蟹膏，上面仲有加了少少蟹肉，慢慢一啖一啖，每一口都己經是幸福的感覺！地獄拉麵：日式餐廳點可以唔試下拉麵呢，呢度既拉麵的確有驚喜，雖然呢度唔係以拉作為主打，但係拉麵既質素都相當之唔錯，地獄拉麵聽個名都覺得辣，湯底比想像中濃郁，麵條都相當彈牙，抵讚！炸物方面都幾正，唐揚小海蝦令人好難忘，小海蝦炸到香脆可口，仲可以一隻一隻掉入口，好爽呀！