Video
Read full review
2016-09-19
165 views
消暑首選大熱天時，最岩就係去游下水，消下暑。但係當你游到好攰成個人無晒力嘅時候係咪好想補充番身體嘅力量呢！咁你會揀去食個飯食碗面，定係食個甜品呢。我就一定會揀去一間甜品店坐喺度舒舒服服食刨冰，食下雪糕，飲番杯超冰涼嘅飲品，歎下享受下。(當然，大家可能會話，甘樣咪仲易肥，做完運動即刻吸收會超多！但係我。。。。一於有理無理，暵左先講！)人氣第一嘅蜜瓜刨冰--蜜瓜刨冰上面有好多蜜瓜，啲蜜瓜食落去好淋，好香甜，而且上面仲有啲綠色嘅蜜瓜粉，睇落去更靚，更色彩鮮豔。刨冰已經刨到好綿，入口有即溶嘅感覺，食嘅時候服務員就建議再加小小煉奶，食落去令到味道更加甜美，更好食。芒果奶昔--望到已經超靚！超級吸引！上面有五顏六色嘅唔同食品，有士多啤梨，朱古力，窩夫脆脆，仲有一個甜筒仔。 杯嘅邊邊都圍住溶朱古力同埋椰絲，令到成杯嘢更靚。講到味道，芒果奶昔唔係好傑嗰種，係比較流質，飲落去奶味比較重，入面會有少少芒果嘅味道。好明顯的飲得出係新鮮芒果汁嘅味道，唔係芒果精嘅味道，飲落去唔太甜味道啱啱好。點小得叫個吐司食下，平時我就中意食中間有麻薯喺中間嘅嗰種，但見拒呢種棉花糖雪糕吐司係人氣第一就試下，點知味道又唔錯喎，嗰
大熱天時，最岩就係去游下水，消下暑。但係當你游到好攰成個人無晒力嘅時候係咪好想補充番身體嘅力量呢！咁你會揀去食個飯食碗面，定係食個甜品呢。
我就一定會揀去一間甜品店坐喺度舒舒服服食刨冰，食下雪糕，飲番杯超冰涼嘅飲品，歎下享受下。(當然，大家可能會話，甘樣咪仲易肥，做完運動即刻吸收會超多！但係我。。。。一於有理無理，暵左先講！)
人氣第一嘅蜜瓜刨冰--蜜瓜刨冰上面有好多蜜瓜，啲蜜瓜食落去好淋，好香甜，而且上面仲有啲綠色嘅蜜瓜粉，睇落去更靚，更色彩鮮豔。刨冰已經刨到好綿，入口有即溶嘅感覺，食嘅時候服務員就建議再加小小煉奶，食落去令到味道更加甜美，更好食。
芒果奶昔--望到已經超靚！超級吸引！上面有五顏六色嘅唔同食品，有士多啤梨，朱古力，窩夫脆脆，仲有一個甜筒仔。 杯嘅邊邊都圍住溶朱古力同埋椰絲，令到成杯嘢更靚。
講到味道，芒果奶昔唔係好傑嗰種，係比較流質，飲落去奶味比較重，入面會有少少芒果嘅味道。好明顯的飲得出係新鮮芒果汁嘅味道，唔係芒果精嘅味道，飲落去唔太甜味道啱啱好。
點小得叫個吐司食下，平時我就中意食中間有麻薯喺中間嘅嗰種，但見拒呢種棉花糖雪糕吐司係人氣第一就試下，點知味道又唔錯喎，嗰啲棉花糖焗到外面脆卜卜，入面就軟淋淋(好似去BBQ嗰陣時候烤嚟食咁樣外脆內軟)上面軟下面脆，雙重口感，仲有朱古力醬夾埋一齊食好脆，中意食甜嘅我，再加小小煉奶，正丫！
呢度除咗甜品食之外另外都會有啲鹹點嘅小食或者麵食，想飽肚d食個麵都仲得！再提一下呢度嘅形式係自助嘅形式，入到去餐牌就已經會放喺台面，揀選左自己想食嘅野嘅時候呢走到收銀枱嗰度點然後收銀員就會比一個圓形嘅響震器你，當震嘅時候，就自助去取，便可以。
Post
