幸福堂 (Closed)

喜歡台式飲品嘅我簡直係上咗癮咁日日都要飲一杯 今日經過銅鑼灣呢間幸福堂 見到門口好多人排隊於是梗係要湊下熱鬧啦 我就叫咗杯招牌嘅黑糖珍珠鮮奶 聽講幸福堂都係靠呢度招牌飲品起家 黑糖珍珠鮮奶非常嬌小玲瓏 相比起其他店舖嘅 大約小三分一杯 不過味道完全唔輸蝕 冰塊貼道都係冇得選擇 不過配方飲落甜度啱啱好 上面仲有好靚嘅老虎黑糖紋 而且牛奶厚度 濃度 奶香都配合得天衣無縫 珍珠煮得夠煙韌 好有台灣qq嘅感覺另外朋友就叫咗士多啤梨珍珠鮮奶 成杯都係漸變嘅粉紅色外型 少女心大爆發用嚟影相打卡一流 粉紅色珍珠煙煙韌韌同樣有q彈嘅感覺 飲落唔太甜有少少草莓果肉