幸福鍋 (Closed)

🌧尋晚落住毛毛雨，陰陰涼涼，見到「幸福鍋」入邊食客一鍋鍋嘅小邊爐。小編同妹妹決定一於試試呢間主打台灣菜嘅餐廳。🍜紅燒半筋半肉麵（$78）：牛肉有手掌般大片，而且有一定厚度。牛筋都有一定分量。免費酸菜隨意添加。牛肉量足取勝。🌯起司培根蛋餅（$32）：外表鮮亮，賣相幾好睇。有別於台灣正宗蛋餅，蛋皮比較結實，起司滿滿～🍢十份甜不辣（$32）：一客八條，有獨特嘅醬汁。有別於鹽水雞甜品口感，比較緊實。如果分量多啲就好啦。🍧古早仙草三色芋圓（$38）：主要材料有涼粉、淡奶、煉奶、芋圓。芋圓約七粒，但勝在幾有咬口。小編覺得呢個價錢應該要大碗啲比較合理。🍲幸福一品臭臭鍋（$118）：材料十分之豐富，足夠二人分享！食材包括：娃娃菜、白豚肉、臭豆腐、貢丸、米血糕、 大腸、鴨血、花紋蜆、鵪鶉蛋、蕃茄、榨菜絲、韭菜、金菇、名門卷，炸枝竹。另外在自選一款主食。😗整體而言：1. 唔使加一服務費。2. 午市抵食，火鍋加埋飲品都仲平過晚市。3. 臭臭鍋某程度還有台灣嘅味道～想念台灣可一試。4. 部份食品份量較迷李，胃口大嘅朋友可能需要叫多幾樣嘢食。幸福鍋地址：西灣河筲箕灣道57-87號太安樓地下G25號舖電話：281