鼎家喜筷 (Closed)

入冬後當然要食雞煲😍放工同老公去咗荃灣海之戀的「鼎家喜筷」🥢 餐廳主打燒味、小菜，亦有90分鐘無限添雞件🐣幸福雞煲。套餐配送「新鮮蔬菜1份」，其他配料就要額外加配。⭐️ 幸福雞煲 💲168/位有三款辣度選擇，BB辣、中辣、大辣。我地揀咗BB辣。雞煲入面有秘製雞煲醬、雞件、洋蔥、芫茜、辣椒。用洋蔥、辣椒爆香嘅雞煲一上枱已經香噴噴。上枱後再焗多幾分鐘就可以食得！雞肉本身已經有調味，多數都係髀位，質地好滑嫩，好Juicy。就算係雞胸肉都唔會鞋。⭐️ 任飲花茶 💲28/位食雞煲較重口味，所以一定要加配飲品。我地叫咗檸檬洛神🍋。味道唔算太酸。⭐️ 加配配料食完雞煲就可以加湯打邊爐。我地額外點咗珊瑚蚌、出前一丁、午餐肉。珊瑚蚌口感好爽脆。出前一丁吸收曬湯底精華，好滋味。📍鼎家喜筷荃灣大河道100號海之戀商場3樓3012號舖