幸福鍋 (Closed)

住係附近咁耐，行過好多次呢間野，今日諗住試一試個鍋，因為銅鑼灣同旺角都有類似既店舖，試過好多次外賣都覺得暖暖哋幾岩冬天食，於是諗住係呢間外賣個鍋試下打去叫外賣既時候，都係睇番過往客人upload既menu，於是就叫左個鹽酥雞便當轉滷肉飯，有個好”友善”既男店員同我講，冇左便當好耐，成兩個月喇喎!點解覺得我一定知？！我問咁有冇類似既飯，佢話有，叫鹽酥雞滷肉飯..哈..咁我都冇理到照叫左個鹽酥雞飯同鍋，再加兩杯野飲點知番到屋企先發現個鍋入面啲野有八成係生，打去問番外賣係咪default生上？男店員話問左你加唔加十蚊要個爐啦，我答佢，我話唔洗個爐你又唔溫馨提示下啲野係生需要加熱？我諗住得咁近拎到番黎都仲熱，唔洗專登加個爐，好快就食完，跟住佢答我，全部人都知係咁樣生上，我話全部人應該唔包括我，係咪全香港咁多人都食過你間野，一定知你係生上？可能每間做呢啲鍋既店舖，外賣做法都唔同，而咁岩我食開既舖頭外賣都係熱辣辣最緊要熟上，但作為員工係咪都假設客人打黎叫外賣，有機會都係第一次食，而唔係佢心目中全香港既人，都知同食過呢間野，係咪都應該有責任同客人講聲，我已經唔識評論食物質素，但二百幾蚊換番黎就係呢種