幸福班戟 (K11 Musea) (Closed)

由於好耐冇見朋友仔，於是一齊去high tea chill下 ，聚一聚(⁎⁍̴̛ᴗ⁍̴̛⁎)朋友仔之前食過幸福pancake，佢鍾意食呢間嘅cream，而且之前好多人排隊，我未有機會試到，於是就一齊去食pancakes 本身諗住叫一甜一鹹pancakes ，但係我哋又想留肚食出去食其他嘢，所以我哋叫咗個甜pancakes試吓咩味先再決定。宇治抹茶濃厚慕斯班戟$118食物及飲品竟然全都是用塑膠容器，令我覺得有種食緊外賣/快餐嘅感覺😥好唔幸福的感覺。班戟的味道不過不失，蛋味較濃，口感亦算鬆軟，抹茶慕絲有抹茶味，堅果的份量個人認為可以再多一點點🤏紅茶（凍）$18正常紅茶，冇乜特別好講橙汁（大）$38我哋兩個一致認為杯橙汁好酸😰整體而言對今次嘅pancake好失望，冇乜驚喜，CP值極低，好彩淨係嗌左一份，食完之後我哋再出去覓食。