七輪燒肉 (Closed)

幻之豚盛合我不知道這個名字的意思，不過睇番內容佢真係好似寶盒咁，一碟嘢有好多嘢食，主要係日本豚肉同西班牙黑毛豬。有一個我第一次食嘅黑豚荔枝卷，佢用黑豚肉包住一粒荔枝做成串燒，豚肉本身嘅油份已經燒得好，連埋甜甜嘅荔枝一齊食口感覺味度都非常特別。豚之大腸 大腸個皮燒完脆卜卜，入邊嘅脂肪燒香噴噴軟淋淋，食落去一啲都唔靭。西班牙黑毛豬肉眼厚切，正因為黑毛豬燒起上嚟非常之香，一啖一塊正。黑毛豬去骨豬肋排肉, 正因為無骨食起上嚟非常方便，啖啖都係肉肉質非常之爽口，可以同豬頸肉比美。黑豚腸 用手攞住豚肉腸一啖一啖咬落去好有風味，佢個腸衣好似芝士腸咁一咬落去爆開，啲肉汁喺口内四濺，肉味非常之濃，兩支唔係好夠皮。乳酸梳打熱辣辣嘅串燒加杯凍冰冰酸甜酸甜嘅飲品，正。