小巷弄

Open Now

Now Closed

呢兩日去左北角Hyatt staycation，游完個水之後好肚餓，package又無包晚餐，所以去左北角匯搵食，未入商場就見到有一間小巷弄，門面都好吸引下，一於就試吓啦。難得我地有房，所以就揀咗外賣走。兩個人叫左二百幾蚊野食，外賣都算快手，而且都包得妥當。鹽酥大雞扒配麻辣乾拌麵 $67雞扒好香脆，又唔會太乾，啲麻辣醬撈勻左唔乾好夠味，好有驚喜台式小香腸滷肉便當 $60小香腸有3條，平時煎香左一樣既味，滷肉飯不過不失，份量好夠好飽肚滷蛋豆腐乾 $30豆腐乾係炸過再滷，好入味咬開有汁，滷蛋ok炸花枝丸 $30普通炸丸，ok無乜特別綜合甜不辣 $30平時台式餐廳未必有甜不辣食，呢度有即刻叫左黎試，呢度係炸甜不辣配甜酸醬，煙韌得黎唔會太硬，甜酸醬好開胃苿香珍珠奶茶 $17珍珠唔太甜，奶茶都幾好飲，十七蚊大大杯都幾抵。