中華滙館 (Closed)

平時比較少去呢類餐館食飯 食過一次發現返唔到轉頭 環境感覺私密度極高 好適合同家人朋友聚會！裝潢夠特式！服務又貼心 不停幫你斟茶 店員會好關注你既要求！菜式質素高！整體感覺十分好！第一道菜係冷盤鮑魚 食落有啲似刺身 鮑魚用料新鮮 爽口唔會腥緊接係金磚豆腐 十分驚喜既一道菜 外脆內軟不在話下 脆既表層好薄 唔係好厚既一舊粉 鬆脆程度一流 內裡既豆腐好滑 入口即滑落喉嚨👍🏻黑松露星斑球 平時好怕食魚既我 竟然同男朋友爭住食 哈哈！原因好簡單 斑球一啲都唔腥 同埋啲肉比較堅韌 有咬口！辣子雞 超級惹味同香口！男朋友表示好辣 但我覺得尚可 哈哈！鍾意呢種麻味重啲既辣！欖菜肉碎炒飯聽落係好普通既菜式 但要炒得好食真係唔係咁簡單！呢到既炒飯就正正色香味俱全 味道均勻 炒飯食落唔會油膩 飯唔會一patpat 粒粒分明！有鑊氣！最後黎個芝麻卷作總結 唔會太甜 清返個口腔 配返啖熱茶 完美！遲啲會再帶屋企人黎一嚐呢到既幽雅粵式菜！