Papa Express (Closed)

因為趕時間做嘢，響紅磡站一路行落去行人天橋落到尖東，睇吓附近有乜嘢簡單嘢食，又想食得清淡啲健康啲，就響落樓梯轉彎，見到呢間細細間嘅papa express, 個餐牌睇落都好吸引，睇完之後其實好多嘢都想試吓，不過其他嘢大部份都係肉同飯為主，冇錯真係好想食，但係同自己講過一來要快，二來想耐唔中讕係食得健康啲，所以睇咗一輪都係決定揀一個沙律嚟食。結果就叫咗個RED 即係煙三文魚加士多啤梨加藍莓再加菜沙律同埋有啲藜麥。以佢嘅價錢嚟計呢個份量算好合理，同埋就咁擺響度個感覺都睇得出好用心去安排，睇完都特別想食，另外佢個沙律汁到好好味，酸酸甜甜咁。我都係覺得好好味，所以食咗少少先記得影相。尖東嚟講性價比唔錯，下次有機會要試吓其他嘢。