Video
Read full review
2007-11-12
53 views
幾十年老字號，到今日先上開飯啦介紹俾各位食家，真係非常可惜。歡喜樓招牌貨豉油雞，用新界走地雞，肉質結實有雞味，海鮮存貨不多，全部以海魚為主，盡量不留隔夜貨，事關新界人出名嘴尖又慳家，養魚、雪藏雞等貨色絕對食唔入口，價錢開得稍高又俾Ｄ鄉下人話食水深，所以歡喜樓屹立多年，手藝同質素完全不用懷疑。不過，學阿蘇話齍，每間店既菜式總有強弱，揀唔中撚手小菜等於入寶山而空手回，小菜方面推介：夏天梅菜扣肉，冬天芋頭扣肉，豉油雞當然係必然選擇，豉油王蝦，生炒骨等等亦做得有水準，菜方面可以揀有鑊氣既蝦醬通菜鮮魷，或者大大煲既海味雜菜煲，甚至時令菜式，雙冬炆羊腩煲，絕對係鎮山之寶，清清地既瑤柱莧菜苗，基本上除左同牛肉有關菜式之外，所有小菜都相當唔錯（仲有個煲仔飯都係可以不理）。歡喜樓仲有一個超級台柱，盤菜！一個盤菜閒閒地夠十四、五個人分享，所以亦歡迎外賣（另有送貨服務），不過要早一日預訂，外賣除左個盤菜之外，仲有一個迷你火爐同酒精火種，足夠翻熱個盤菜，另外仲送埋紙碟筷子膠檯布，方便到買返屋企食連碗都唔駛洗，買去燒烤場有檯就可以開餐，食完連個盤都可以掉埋，真係方便到不堪，但係記住盤菜祇收現金，信用咭免問。或者
歡喜樓招牌貨豉油雞，用新界走地雞，肉質結實有雞味，海鮮存貨不多，全部以海魚為主，盡量不留隔夜貨，事關新界人出名嘴尖又慳家，養魚、雪藏雞等貨色絕對食唔入口，價錢開得稍高又俾Ｄ鄉下人話食水深，所以歡喜樓屹立多年，手藝同質素完全不用懷疑。
不過，學阿蘇話齍，每間店既菜式總有強弱，揀唔中撚手小菜等於入寶山而空手回，小菜方面推介：夏天梅菜扣肉，冬天芋頭扣肉，豉油雞當然係必然選擇，豉油王蝦，生炒骨等等亦做得有水準，菜方面可以揀有鑊氣既蝦醬通菜鮮魷，或者大大煲既海味雜菜煲，甚至時令菜式，雙冬炆羊腩煲，絕對係鎮山之寶，清清地既瑤柱莧菜苗，基本上除左同牛肉有關菜式之外，所有小菜都相當唔錯（仲有個煲仔飯都係可以不理）。
歡喜樓仲有一個超級台柱，盤菜！
一個盤菜閒閒地夠十四、五個人分享，所以亦歡迎外賣（另有送貨服務），不過要早一日預訂，外賣除左個盤菜之外，仲有一個迷你火爐同酒精火種，足夠翻熱個盤菜，另外仲送埋紙碟筷子膠檯布，方便到買返屋企食連碗都唔駛洗，買去燒烤場有檯就可以開餐，食完連個盤都可以掉埋，真係方便到不堪，但係記住盤菜祇收現金，信用咭免問。
或者近幾年盤菜泛濫，求其一大堆食物放上個盤度就叫做盤菜，經濟愈好，愈見奢華，一味得個貴字，反而冇左盤菜既精粹，盤菜首要係所有菜式分開煮，要用上大量傳統醬料，甜酸醬、麵豉醬、磨豉醬、南乳等等，白鱔要先蒸後炸再用南乳炆，豬肉要揀五花腩肉先蒸後炆，茄汁蝦碌要連蝦殼一齊煮先可以保持蝦肉味鮮肉嫩，外面Ｄ盤菜幾豪都好，始終冇左圍村既味道，個一種離檯十呎都聞到流口水既南乳香氣。
大大個免費停車場任泊，閒閒地可以容納成百部車。
Post