百味村

Open Now

Now Closed

嘉里酒店係黃埔新開既五星級酒店，喺碼頭隔離，扶手梯上一層就係百味村，我簡稱為food court，直行就係酒店正門，我建議都係經由酒店正門入去food court比較好，雖然行遠左少少。個Food court環境都幾正，入面有一部份係落地玻璃，出面係一大片草地，望出去可以見到一個超級無敵大海景，地方好乾淨而且光線充足，都幾舒服。而food court有大量座位，有大長方檯、圓檯、方檯、高身檯，適合唔同人數坐，另外仲有一部足球機同埋美式桌球檯俾人免費玩，享受美食既同時亦可以真正放鬆一下。呢度買野食基本上係唔駛排隊，只要你搵好位坐低再用百味村既手機App 就可以online俾錢買野食，之後就會有職員拎野食俾你，呢個方法都幾方便，由其是如果一個人食飯，排完隊買野食之後又要搵位真係好痛苦。最近想食韓國菜，於是order 左 “ Bobbybox” 既 "Spicy Chicken & Pork Cutlet” $68，無野飲，除左有雞同豬，仲有泡菜粒、椰菜絲沙律同菠蘿片，份量偏少，女仔食既話都夠飽，男仔就可能差少少，個泡菜粒都幾辣，雞同豬都好入味，整體黎講都幾好味。