功德林上海素食 (世貿中心) (Closed)

趁日籍朋友黎香港公幹，就帶佢去食齋﹝日本比較少齋舖﹞。揀「功德林」既主要原因係地點方便、食物出色、環境舒適，最適合久別重逢既朋友一齊傾計。先黎一個小食拼盤，日籍朋友好開心可以自選菜單，佢揀咗雞絲粉皮、炸腐皮卷同大豆芽菜。凍凍既雞絲粉皮同花生醬撈埋一齊，十分醒胃。炸腐皮卷有好多疏菜作餡，抵消咗油炸外皮的油膩，大豆芽菜就普通咗D，就係夠普通，才覺得好味。之後叫咗幾碟小菜：咕嚕肉既甜酸度啱啱好，仿豬肉十分迫真，「肉質」軟硬適中，差D以為自己真係食緊咕嚕肉，很有驚喜。日籍朋友大讚翡翠苗同用菇類做既鱔糊好食，翡翠苗好有草香味，真係又好味又健康。羅漢齋麵十分足料，食完就好飽了。