天丼てんや

Open Now

Now Closed

喺青衣城想食晏晝，到到都要排隊，唯獨是係呢間唔使，初初抱住一個求其試吓嘅心態入去，都預咗冇人排隊應該都冇乜好嘢，但係結果竟然係喜出望外喎！一入到去間鋪頭細細間，啲員工都即刻嚟幫手帶位，呢間野就主打天婦羅，基本上個餐牌全部野都係天婦羅乜乜乜咁但係最後我同我朋友都嫌太熱氣，所以最後就叫咗個鰻魚飯，最估唔到嘅呢度啲鰻魚飯都非常唔錯，真係原條鰻魚上，燒得幾好唔需要太多汁，但係又好入味啲飯就普普通通都係日本米。反而個麵豉湯真係幾好飲，睇得出係有用心整出來。推介！