浪漫館橫浜 (Closed)

4人食飯日,唔知食咩好,會長推介喱間既吉列豬唔錯,於是就去試下,除左吉列豬之外,聽講喱到既甜品都唔錯,同最令我有點印象既係有個著得似女僕既侍應多數企係門口的,去到時唔算太多人,so唔洗點等之下就入去了~!叫左野佞之後,整點吉列豬既醬,有芝麻同醬油~!即碎左之後好香芝麻味呀,加埋個醬油就ok la~!浪漫風吉列豬扒伴蘿白醋汁御膳~真係好豐富呀,有列吉豬,白飯,味噌湯同椰菜,椰菜可以任加既,配埋個沙律柚子醋酸酸地幾開胃既,不過食食下就有少少feel太酸~!好大件吉列豬呀,雖然係吉列野不過又唔算好油,外層好鬆脆好香,而肉質幾鬆化又多肉汁,口感唔錯呀,不過味道上又唔算係太好食,係點個醬食先好味,不過都唔錯既,吉列豬面層好多蘿白蓉呀,好似幾正咁,不過係冇乜味既,要同吉列豬一齊食先ok la,喱個餐比其他多左一個醋汁點既,唔知係味因為有蘿白既關係喱,點來食都唔錯呀,飯同味噌湯都好普通~!綜合來講個吉列豬都幾好味既,份量都好多,不過都係丼吉日本吉列果間好食點,本身想試下個甜品,不過實在太飽冇試到,只好下次呀~!