반찬앤쿡 Banchan and Cook (時代廣場) (Closed)

平時明明大排長龍，今日同阿仔係樓上玩完，路經竟然見無人心郁郁咁睇左陣餐牌就決定入去試下前菜有醃蘿蔔，幾夠味！燉牛肋骨蛋包飯牛肋骨味道偏甜，蛋都好嫩滑，飯就係炒飯，都好match好味！墨汁大蝦魚籽意粉味道一般，啲蝦彈牙但無咩味海鮮煎蔥餅海鮮無乜，但調味還可以，都叫幾好味！有骨炸雞（一份，可選2款口味）我㨂左原味同蜜糖味！炸雞都算係最出色，炸到脆卜卜，好野味👍🏻👍🏻值得一試、個底仲有啲薯條，小朋友至愛🥰最後跟餐有2杯飲品原本仲應該有2個甜品，但店員忘記左上，我又忘記左叫上，到反到屋企先醒起、但已經太遲Lu 🤣🤣🤣唯有下次再食🤭