八方雲集鍋貼水餃專門店

Open Now

Now Closed

前日午餐唔知食咩，去左附近八方雲集食。第一次食八方雲集，雖然開左好多間，今日終於有機會試下。叫左個台式麻醬麵黎食。麻醬好濃好香，雖然麵唔係好彈牙，但係同麻醬好夾，普普通通既賣相，但係都幾好味！黎到八方雲集，梗係叫個招牌餃子黎試下啦！餃子皮煎得好脆，咬一啖，餃子既肉汁漏曬出黎，好正呀！鐘意餃子入邊既汁，熱辣辣，食完個人好暖。食完再飲杯凍豆漿，豆漿冇乜特別，但飲完成個人舒服曬。整體黎講，八方雲集開到咁多間，我今日知道係咩原因，野食既質素係有既，而且餃子好味，麻醬麵香濃！有機會再食過啦！