順。越南牛肉粉

Open Now

Now Closed

好運中心新開的越南餐，裝修新穎忍唔住入去一試，兩位竟然有卡位，開心。中午時段有午市套餐，大概70-80一個餐，包野飲。我點左個生牛肉河，出到黎賣相幾好，最緊要個湯夠熱，抵讚。試左一啖湯，味道不過不失，但牛肉有驚喜，份量夠多之餘，口感都算滑。另外朋友點了順化牛肉湯檬，食到讚不絕口。牛丸雖然細粒，但咬落爆汁，一粒小小牛丸入面，牛肉、牛丸、牛油嘅香味混合一體。牛展有滷過，入味，有誠意。扎肉都算正宗。湯底小辣，成碗野出到黎都算出色。讚。套餐包嘅基本飲品，凍熱都係唔洗加錢架。我地都係點香茅蜜，杯野清甜得黎，有淡淡嘅香茅味，都算特別。整體而言，出餐速度都算快，食物夠熱夠新鮮，味道也不錯，值得推介。