Video
Read full review
2008-10-18
12 views
朋友睇傳單介紹呢間cafe，就黎試下啦！呢度都算易搵，但要穿過樓下既ＰＣＣＷ有Ｄ奇怪。lunch唔係好多人，我地好好彩地被安排坐窗邊位置，仲有張好舒服又好特別既蛋形梳化，望住出面天橋的人行黎行去都幾搞笑。講返食物，呢度主要食西餐同甜品，但因為怕太飽所以冇食甜品，見佢款式好多好吸引，下次真要試下。我地叫左兩個set lunch，一個吉列豬扒飯，一個雜菌三文魚天使麵。餐湯係蕃茄忌廉湯，粉紅色既忌廉湯有茄茸，少少酸，幾特別。吉列豬扒賣相唔錯，不過食味當然唔及吉列專門店啦，比較乾同硬，呢Ｄ都係一般吉列既弊病天使麵一向都好難煮得好，因為好易溶，呢度既麵身稍粗，可惜都係煮過左Ｄ，如果硬身返少少會更好！而味道就中規中矩，叫合格啦！不可不提係餐飲，我叫左檸檬綠茶，呢個配搭超match，同埋大大杯，個人好鍾意哩！如果唔趕時間，呢度係唔錯既傾計談心既地方！
lunch唔係好多人，我地好好彩地被安排坐窗邊位置，仲有張好舒服又好特別既蛋形梳化，望住出面天橋的人行黎行去都幾搞笑。
講返食物，呢度主要食西餐同甜品，但因為怕太飽所以冇食甜品，見佢款式好多好吸引，下次真要試下。
我地叫左兩個set lunch，一個吉列豬扒飯，一個雜菌三文魚天使麵。餐湯係蕃茄忌廉湯，粉紅色既忌廉湯有茄茸，少少酸，幾特別。吉列豬扒賣相唔錯，不過食味當然唔及吉列專門店啦，比較乾同硬，呢Ｄ都係一般吉列既弊病
天使麵一向都好難煮得好，因為好易溶，呢度既麵身稍粗，可惜都係煮過左Ｄ，如果硬身返少少會更好！而味道就中規中矩，叫合格啦！
不可不提係餐飲，我叫左檸檬綠茶，呢個配搭超match，同埋大大杯，個人好鍾意哩！
如果唔趕時間，呢度係唔錯既傾計談心既地方！
Post
