荃灣古法雞蛋仔 (Closed)

今日食完米線﹐辣得緊要﹐想食返D甜野中和返。突然醒起又甘岩經過荃灣古法雞蛋仔﹐一早聽聞過呢度既朱古力雞蛋仔係用真既朱古力粒去整﹐而唔係坊間個D啡色但一D朱古力味都無個種﹐所以諗都唔諗就買朱古力味(男友係朱古力掌門人)(但其實我有DD想試下玉桂味too, may be next time)老闆仔幾熱情﹐叫我地打卡有豆漿送。但唔係人人有smartphone﹐無辦法。老闆爸爸即叫即整﹐所以要等一陣。男友有個疑問﹐就係呢度點解叫古法雞蛋仔呢﹖呢度無炭爐﹐架餐一D都唔古法﹐諗諗下又好似有D虛構成份...唔理喇﹗開餐﹗一整完會放上鐵絲網大概三十秒先入袋﹐頗認真。熱辣辣﹐朱古力味飄出黎﹐好多朱古力下﹐溶溶地﹐好好味。男友好鐘意D朱古力﹐但都係堅持呢到唔可以叫古法﹐除左無古法架餐之外﹐最主要係雞蛋仔無蛋味。十六蚊﹐對我黎講頗貴啦。不過一次半次無所謂啦。況且呢D小店認真要多多支持﹗我要比個笑面﹗皆因朱古力雞蛋仔擺明sell朱古力﹐人地真材實料朱古力粒﹐十幾蚊﹐想點﹖(經過今次後﹐發現男友講野真係幾一矢中的。)