Video
Read full review
2017-06-10
52 views
當我諗唔到食咩好既時候，突然見到 “Mr. right” 既招牌，咦？係你喇！雖然唔係小弟既Mr. Right，但見門面裝修幾靚，幾有情調，肯定係小弟今餐既right choice!坐低之後經理就推介佢地個晚餐set，應該係有齊主打菜式？好，就試試佢先。一開始食個煙三文魚 Caeser salad 先。三文魚整到好似朵花咁，幾好睇，食落咸咸地，配番沙律中和一下個味唔錯。之後仲有海鮮冷盤，有生蠔，田螺同蝦。今次既生蠔海水味唔太重，有d 驚喜，亦有d 唔慣，不過口感都係幾好既。田螺食落有少少沙，有d 失望。蝦冇特别“處理”，唔會爽口，有時食番原味都唔錯。食其他野之前飲番個湯先。紅色既係龍蝦湯，個湯幾濃幾入味，仲有多舊龍蝦肉，幾有口感。飲完湯就有蒜蓉包同鵝肝。蒜蓉包既蒜蓉醬落得啱啱好，口感香脆。鵝肝輕輕煎過，表面幾脆口，再配以特製醬汁，味道令人回味。食完鵝肝之後就到主菜喇。我地叫左黑松露野菌蟹肉天使麵。天使麵煮得比較乾身，如果有多d 醬汁會好d。麵身幾軟滑，乾身少少食都可以接受。蟹肉唔算好乾，有專人預先拆出蟹肉，唔駛自己動手，真好。野菌幾軟身，仲有好多魚子，整個配搭幾特别。食到最後，又係甜品
坐低之後經理就推介佢地個晚餐set，應該係有齊主打菜式？好，就試試佢先。
一開始食個煙三文魚 Caeser salad 先。三文魚整到好似朵花咁，幾好睇，食落咸咸地，配番沙律中和一下個味唔錯。
之後仲有海鮮冷盤，有生蠔，田螺同蝦。今次既生蠔海水味唔太重，有d 驚喜，亦有d 唔慣，不過口感都係幾好既。田螺食落有少少沙，有d 失望。蝦冇特别“處理”，唔會爽口，有時食番原味都唔錯。
食其他野之前飲番個湯先。紅色既係龍蝦湯，個湯幾濃幾入味，仲有多舊龍蝦肉，幾有口感。
飲完湯就有蒜蓉包同鵝肝。蒜蓉包既蒜蓉醬落得啱啱好，口感香脆。鵝肝輕輕煎過，表面幾脆口，再配以特製醬汁，味道令人回味。
食完鵝肝之後就到主菜喇。我地叫左黑松露野菌蟹肉天使麵。天使麵煮得比較乾身，如果有多d 醬汁會好d。麵身幾軟滑，乾身少少食都可以接受。蟹肉唔算好乾，有專人預先拆出蟹肉，唔駛自己動手，真好。野菌幾軟身，仲有好多魚子，整個配搭幾特别。
食到最後，又係甜品既環節。今次食左咁多好野，甜品就唔食得咁heavy 喇。今次叫左雜果雪芭。一陣白色泡沬中間既黃色半圓就係雪芭喇。上碟個下真係有d surprise，雪芭唔算好甜，味道啱啱好。雪芭下面仲有好多水果，甜品黎講呢個都算健康喇。
食飽飽又係時候同 Mr. Right 講再見。呢餐都算唔錯，希望之後做得更好。
Post
