華麗餐廳

Open Now

Now Closed

人大左，已經好少食buffet ,一來唔想食肥自己，二來唔想浪費食物。而午間半自助餐可能比較好一點啦，比較環保一點點咁多啦。其實呢間野冇乜好介紹，但食物普普通通不過不失啦，半自助餐嘅自助部份好齊全，由中湯西湯、沙律菜及各樣配料、熱食，到糕點甜品、凍飲熱啡樣樣齊全！所以，一般只食沙律吧已經夠飽，根本無需要order主菜。反而，想講下呢度有一部自助班㦸機幾得意，撳一個制就自動做一塊熱辣辣班㦸出嚟。部機嘅正面裝咗塊玻璃，透過玻璃可以望到入邊嘅機器，由落粉漿去到烤熟整塊班㦸嘅過程，但係出嚟嘅製成品都幾醜樣，佢很醜但佢好溫柔，非常軟熟，一口咬落去軟綿綿，配牛油楓糖漿一流！至於沙律吧嘅其他嘢食，都係一般貨色啦，冇乜特別要介紹了。而主菜方面，因為好飽，已經唔使食喇。