新花清湯腩餃子專門店

Open Now

Now Closed

呢間舖頭開咗好耐，不過地方好隔涉！間舖頭就喺佐敦同埋油麻地之間，所以每次過嚟都要行好耐！但係為咗食好嘢冇辦法！間舖頭有好多不同種類嘅食物，主打清湯腩同餃子！當然仲有其他小食。今次大約12:30到達，本來諗住食崩沙腩或者爽腩，不過原來以上兩種都未出，定係唔知係咪賣晒？最後只有食坑腩，叫咗碗坑腩米！加淨食湯餃子！碗坑腩米嘅份量都唔少，湯底偏甜，食得出有少少味精！但係啲坑腩嘅質素唔錯，同埋係新鮮牛腩！價錢好相宜！另外湯餃子都好好食，煎得好脆口，裏面好Juicy！呢間舖頭係性價比之選！雖然舖頭都多人，但係起碼唔使排隊！