郭仔記車仔麵

Open Now

Now Closed

話說元朗有好多間車仔麵店，食嚟食去通常都係嗰幾間，今次就試吓新嘢，去咗元朗廣場後邊嘅郭仔記車仔麵食。入到去環境正常，座位唔會太迫。今次我嗌咗紫菜、豬腸、豬皮米線小辣。辣汁味道有少少似辣嘅咖喱汁，甜甜地唔錯，豬皮都非常入味同爽口，豬腸幾好味沒有豬臭味，不過我覺得入邊嘅脂肪可以再少D，因為食到後段有啲肥膩，紫菜索晒啲辣汁非常惹味，米線口感正常。總括嚟講呢間嘅車仔麵味道都算唔錯，但如果比我再揀嘅話，可能會隔好耐先再嚟，因為元朗實在太多車仔麵店揀而且好多都好好味同有特色。