聯發海鮮菜館 (Closed)

成間鋪既員工都好肯做野，見我地骨碟滿咗會幫我地收，成餐飯都起碼換咗3,4次骨碟，覺得服務都唔錯。今次叫咗個辣酒煮花螺，好好食，酒味好香，唔會煮到無曬酒味，花螺大細算係中等，都可以接受。海蜇手撕雞都幾好食，不過我同朋友都覺得蔬菜太多太多啦，搞到d雞肉好似好少咁。水煮牛肉分量好夠，賣相都好靚，全部都係紅油，不過覺得辣就夠辣，但係唔夠麻，可以再麻d。打冷黎講，呢間價錢唔算平，不過勝在係市中心，下次可以再試。