一生任食和式火鍋 (Closed)

我同我老婆係4月7號夜晚7點幾去到個度，無book位，可能星期一，所以無乜人，近門口個邊淨係得我地一枱，不過d service唔似其它comments講得咁差，個個都n 有禮貌，叫野食又好快，呢頭俾張單佢，轉個頭d野就黎晒，亦無漏單，可能係因為少人掛，食食下有個人開mic話有一款乜乜乳酸既飲品特價，原價$15，特價$10，望落杯野麻麻地所以無order，無幾耐又開mic話每人會送一件海鰻sushi，每次講完野所有staff都會一齊好大聲咁講一堆野，氣氛幾熱鬧丫，d staff見到有吉碟都好快同好主動黎收，service黎講都算一流，仲同個女仔傾左幾句，都好nice，埋單個陣我老婆仲俾左粒melty kiss佢食添!!!d野食都算過得去，味道梗係無三百幾蚊一位個d咁好食啦，不過有咁多款可以揀都算抵，我地計過食左七百幾蚊野，但埋單只係$188加一，食到我唔識郁呀，甜蝦真係好食，自己燒個d羊肉唔錯，魚生，燒物/炸物都ok，下次會再去，不過都會揀平日。另外真係有d唔環保，兩個人既話每次只可以點六款，每款最多兩件，用晒成張A4紙，落完order又再出一張order紙，有d浪費囉。