XOXO Café Lab (Closed)

今日父親節，特登和爸爸去到特別啲嘅餐廳食飯。見到open rice上面有推介，咁就嚟試下啦。 嗌咗個吉列魚柳咖哩飯同埋吉列豬扒咖哩飯 ，味道都唔錯，啲咖哩都好多。但唯一美中不足嘅就係佢將魚柳同埋咖哩擺埋一齊，搞到魚柳嘅口感冇咁脆。 同埋食唔到魚柳脆皮個口感。 同埋呢兩件魚柳偏細。 但啲飯撈埋咖哩落去好好食。 仲有側邊有沙律 ，幾開胃。 而佢仲附送餐湯同埋蒜蓉包， 個湯應該係意大利蕃茄湯，好濃郁嘅味道。 而我就嗌咗凍檸茶 小冰走甜， 畀嘅檸檬都好多。 佢啲嘢食嘅賣相同埋味道都唔錯。 可惜嘅就係啲服務人員太過粗心大意， 畀咗兩碟吉列魚柳畀我哋同隔離枱嗰個調轉咗， 而在隔離嗰邊甚至係過咗一陣都冇嘢食到。 甚為可惜。 而水方面，佢會攞個玻璃樽過嚟畀你任到倒。