Video
Read full review
2016-12-31
199 views
星期五諗住出尖沙咀行下街食下野但尖沙咀咁多選擇 都唔知食乜好咁岩又想食啲冇咁熱氣 清淡啲既野記得之前睇過有間點心係有公仔做主題既就即刻上網search下 見到仲做梗蠟筆小新既公仔見幾得意又有啲興趣去食下 所以就揀左呢間打去諗住book位 但原來係冇得book既 只可以walk in 但都問左店員5點幾6點左右會唔會好多人 店員都話唔會一去到已經見到差唔多full晒 佢啲枱都唔太多 咁岩得返張高枱 咁店員就問我地坐高枱好唔好 我地就冇乜所謂既 咁就可以即時入座 唔洗等位一入到去當然影下相先 再睇menu揀野食我地揀左個大象既朱古力流沙包 蛋蛋燒賣 黑魚子燒賣 熱帶雨林菠蘿飯 鳳爪排骨飯 仲叫左一杯小新桃味特飲我地tick完晒啲點心之後 就交俾店員 咁我地覺得有啲奇怪 點解枱面有茶杯 但冇茶俾我地飲 我地交張點心紙個陣順便問下店員 點知原來茶都要tick架 仲要飲唔飲都收錢 $10蚊一個人 即係2個人去就收$20蚊 但如果有叫野飲就會扣返 咁我地就揀左普洱但張單就唔知點解打左我地要烏龍茶等左陣 啲野食好快就到 但啲茶都未到 咁就順便同店員講聲未到 同埋打錯左 講返啲野食先 大象朱古力流沙包
但尖沙咀咁多選擇 都唔知食乜好
咁岩又想食啲冇咁熱氣 清淡啲既野
記得之前睇過有間點心係有公仔做主題既
就即刻上網search下 見到仲做梗蠟筆小新既公仔
見幾得意又有啲興趣去食下 所以就揀左呢間
打去諗住book位 但原來係冇得book既 只可以walk in 但都問左店員5點幾6點左右會唔會好多人 店員都話唔會
一去到已經見到差唔多full晒 佢啲枱都唔太多 咁岩得返張高枱 咁店員就問我地坐高枱好唔好 我地就冇乜所謂既 咁就可以即時入座 唔洗等位
一入到去當然影下相先 再睇menu揀野食
我地揀左個大象既朱古力流沙包 蛋蛋燒賣 黑魚子燒賣 熱帶雨林菠蘿飯 鳳爪排骨飯 仲叫左一杯小新桃味特飲
我地tick完晒啲點心之後 就交俾店員 咁我地覺得有啲奇怪 點解枱面有茶杯 但冇茶俾我地飲 我地交張點心紙個陣順便問下店員 點知原來茶都要tick架 仲要飲唔飲都收錢 $10蚊一個人 即係2個人去就收$20蚊 但如果有叫野飲就會扣返 咁我地就揀左普洱
但張單就唔知點解打左我地要烏龍茶
等左陣 啲野食好快就到 但啲茶都未到 咁就順便同店員講聲未到 同埋打錯左
講返啲野食先 大象朱古力流沙包一籠有2個包 2個唔同公仔 係幾得意既 一咬啲朱古力就流晒出黎 朱古力味唔太甜
蛋蛋燒賣同黑魚子燒賣就同平時食開個啲燒賣一樣 但蛋蛋燒賣面頭就有個公仔咁
熱帶雨林菠蘿飯係開左個原個菠蘿 再放啲飯入去既 側邊仲用牙簽插住左個雞頭 但飯既份量比較少 得一碗左右 飯入面有少少肉鬆 有幾粒腰果 仲有幾隻蝦係入面 菠蘿就唔見有 不過都幾好食既 一人份量
另外 個鳳爪排骨飯都係一人份量 有幾舊排骨 2舊鳳抓 都幾好味 夠清淡 一個人食絕對夠飽
我地食晒枱面啲飯同點心 但杯野飲都未到 催左店員2次 杯野飲終於都到 野飲面頭有個布甸 下面就酸酸甜甜咁 呢個我覺得馬馬 我唔太中意呢個味道
個人覺得啲野食係幾得意既 好岩影相 味道又唔錯 但價錢有啲貴 食呢幾樣野已經食左300幾蚊 仲有好多點心款式未試 等佢下次轉左主題再黎食
黑魚子燒賣
$39
17 views
0 likes
0 comments
蛋蛋燒賣
$45
24 views
0 likes
0 comments
鳳爪排骨飯
$49
27 views
0 likes
0 comments
大象朱古力流沙包
$48
20 views
0 likes
0 comments
熱帶雨林菠蘿飯
$69
29 views
0 likes
0 comments
小新桃味特飲
$39
62 views
0 likes
0 comments
Post
