湯加 (石籬商場二期)

Open Now

Now Closed

今日食晏嘅時候，喺公司附近都唔知食乜，朋友就話食呢間，於是兩條友就過咗嚟湯加，地址位於葵涌大隴街110號石籬商場二期2樓B232A號舖今日就決定試佢嘅二人套餐，一個燉湯，兩款小菜，兩個飯，兩杯飲品！茶樹菇栗子燉金沙骨,份量十足,湯入口菇菌香味十分濃郁，香甜潤喉，飲落去好舒服。豉汁蒸珍珠蠟，呢條魚上嚟同朋友都嚇一跳，估唔到係咁大條，第一次食呢種魚，啖啖肉冇乜細骨都幾鮮甜，因為係即叫即蒸都要等20分鐘。土魷馬蹄蒸肉餅，呢個肉餅份量都幾足，肉質彈牙，加上面頭嘅南瓜，食落個口感都幾好，甜味都增加左少許！甘又解決左中午食咩噶煩惱啦！