Goobne Chicken (天晉匯2)

Open Now

Now Closed

呢個lunch set幾抵食，$128有半隻雞、一碗魚片湯、一碗凱撒沙律、薯條、一碗白飯同埋一罐飲品，原價$195而家特價$128，有咁多嘢食真係幾抵。烤雞有10款口味選擇：原味烤雞、甜辣烤雞、果味醬油蒜香烤雞、黃金脆烤雞、蜜糖香滑烤雞、蜜糖咖喱脆烤雞、韓式BBQ醬煙燻烤雞、三重芝士烤雞、 辣椒脆烤雞同埋最後一款火山烤雞。我今次就選擇左果味醬油蒜香烤雞。同埋雞佢都仲有分有骨同冇骨選擇，我就揀咗無骨，貪佢可以啖啖肉。我第一次食呢個口味，我覺得好好食，我其實唔係好識形容佢究竟係一個咩味，少少甜但係又有啲蒜頭味又有啲豉油香味，個味道屬於有層次，不過可惜嘅就係今次嘅計唔夠脆，唔知關唔關無骨嘅事呢？我上一次喺尖沙咀食有骨嘅時候就好脆，所以我下次諗住嚟試吓食有骨版，比較一下。琴日唔記得咗讚下依度嘅所有服務人員，非常有禮貌非常之熱心👍🏻