Gastrobox The Cameron (Closed)

呢座大廈有好幾間餐廳，之前有間食開既已經結業😞，今日就特登去試呢一間。先睇餐牌，價錢都幾相宜，大概六十幾至八十幾蚊就有一個餐 ，另收加一，包餐湯同飲品 。另加三十八元就有三文魚凱撒沙律同甜品。一場嚟到，一於加埋個30蚊嘅三文魚沙律同甜品啦。首先係上南瓜湯。南瓜湯 有南瓜和紅蘿蔔味道，加上忌廉，好味 。配輕輕烘過嘅 香草包同牛油，滿足~三文魚凱撒沙律原來係煎過嘅三文魚粒放上沙律。三文魚嘅份量比我想像中偏少。 凱撒沙律嘅菜還算新鮮，調味正常。香煎比吉打魚香檳忌廉汁配千層薯$66比吉打魚就類似煎龍脷柳 ，應該係醮咗 少少蛋汁去煎，煎得好香口 。忌廉汁偏少。薯仔係好味嘅 ，如果配薯蓉做更加 夾喇。香煎雞胸菠菜汁天使麵$62味道偏淡，雞胸煎得香口。Tiramisu甜品係tiramisu 。這個就唔係太滿意， 質數只係一般，只係一批買返嚟嘅貨色。簡單嚟講，係好抵食呀，幾十元嘅價錢係尖沙咀有湯有嘢飲等， 尖沙咀嚟講算係平。至於加38元沙律同埋甜品， 我就覺得個質素對唔住38元，可以再好少少。順帶一提， 餐廳嘅侍應服務貼心有禮貌。