饗樂町 (Closed)

同阿媽阿爸嚟咗兩次，第一次坐低咗之後5分鐘都見唔到任何侍應過嚟，人手似乎好緊張，當時大概12點成間餐廳加埋我得四個人。隔咗幾日再去多次，今次就有一兩個侍應出現佢哋禮貌好好，其中一位姐姐好醒目，我哋叫咗走蔥，第一碗送來嘅湯有蔥佢都識得返轉頭換過一碗新嘅俾我哋，即使我哋冇要求。跟住我嘅軟殼蟹飯唔見咗隻蟹，佢都即刻發覺幫我換，好醒目。但係出餐時間比一般餐廳耐啲，尤其是午飯時間計算。我哋叫咗魚生飯啲魚生都係新鮮，份量都唔算少，其實價錢係好街坊嘅。所以你唔急嘅話係值得試一次。